Anders Nilsen Langøen og kona Rakel Hansdottir tok til med landhandel på Langøyna i 1878.

Våningshuset er frå 1880, driftsbygning vart bygd i 1935, sjøhusa er frå 1870 og ca. 1900.

I 1884 bygde dei bakeri og dreiv dette til 1910. Langøyna vart poststad i 1913, og i 1928 fekk dei telefonstasjon.

Anders Nilsen Langøen dreiv også sildesalting på eige salteri og kystfiske. Båtane hans dreiv fiske langs kysten frå Lindesnes til Vestfjorden - feitsild og makrell om sommaren og torsk eller sild om vinteren.

Landhandelen vart utvikla i takt med etterspørsla, og folk fekk her det dei trong til det daglege: mjøl, brød, alt i kolonialvarer, kraftfor, kunstgjødsel, såkorn og frø. Landhandelen vart driven fram til i 1973.

Tidleg i 1890-åra fekk dei rutesamband med Bergen. Om lag nitti år seinare vart Langøyna knytta opp mot fastlandet med bru over Sekkingstadosen og vegar og bruer vidare til øyane vestanfor – Algrøyna i nord og Lokøyna og Syltøyna i sør.

Langøy Kystkultursenter, arrangement ca 1995 Foto: Gudveig LillebøSeglbåt/gammal gavlbåt med segl: eigar Atle Tellnes

Stiftinga Langøy Kystkultursenter:

Stiftinga Langøy Kystkultursenter vart skipa i 1994. Fleire av bygningane er no restaurerte, bakeriet er tilbakeført til tilnærma opphavleg stand, og det er overnattingsplassar både i Bakerihuset og på butikkloftet.

For meir informasjon om overnatting og leige av lokale:

Langøy Kystkultursenter:

Tlf. 56 33 51 60  

Mobil: 90992604  

Heimeside: www.langoykystkultursenter.no

Langøy Kystkultursenter. Foto: Gunn Nordal

All ferdsel i Nordsjøløypa skjer på eige ansvar.